पुड्के बँदेल
समाचार शेयर गर्नुहोस्
Share this news
बँटुंगे सुँगुर (पोरकुला साल्भानिया वा सुस साल्भानियस) स्तनधारी तथा जुगाली गर्ने जनावरको वर्ग (सेर्टाओडक्टाइला अर्डर) र सुइडे परिवार अन्तर्गत पर्दछ। यो नेपाल, भारत, बंगलादेश, म्यानमार, भुटान र दक्षिण एशियाली देशहरूमा पाइन्छ। बँटुंगे सुँगुरको औसत आयु १४ वर्ष हुन्छ र गर्भावधि ११० देखि १२० दिनसम्मको हुन्छ। यसको छाला गाढा खैरो र कालो रङको हुन्छ र रौँ पनि कालो हुन्छ।
यो सानो वन्य सुँगुर जस्तो देखिन्छ र यसको टाउको प्वाँख जस्तो हुन्छ, कान खुल्ला र पुच्छर छोटो हुन्छ। यसको उचाइ ०.०२५ मिटरदेखि ०.३ मिटरसम्म, लम्बाइ ०.६ मिटर र तौल भालेको करिब ६.६ किलोग्रामदेखि ९.७ किलोग्रामसम्म र पोथीको करिब ८ किलोग्राम हुन्छ। बँटुंगे सुँगुरको गर्भावधि ११० देखि १२० दिनसम्मको हुन्छ। यो आईयुसीएन रेड लिस्टमा अतिसंकटापन्न प्रजाति र साइटिसको परिशिष्ट १ मा सूचीकृत छ। राष्ट्रिय स्तनधारी प्राणीको रातो सूचीमा यसलाई क्षेत्रीय रूपमा लोप भइसकेको प्रजातिमा सूचीकृत गरिएको छ।
नेपालमा यस प्रजातिको कानुनी हैसियत राष्ट्रिय निकुञ्ज तथा वन्यजन्तु संरक्षण ऐन २०३० अनुसार संरक्षित (परिशिष्ट १) छ। यसको बासस्थानको व्यापक क्षति भएकाले यो संरक्षित छ। यसलाई पालनका लागि राष्ट्रिय तथा अन्तर्राष्ट्रिय बजारमा व्यापार गरिन्छ।
Source : राष्ट्रिय निकुञ्ज तथा वन्यजन्तु संरक्षण विभाग
