प्लाष्टिक थैलीमा उमारिएका विरुवा रोपण गर्दा ध्यान दिनुपर्ने कुराहरू
समाचार शेयर गर्नुहोस्
Share this news
• वृक्षारोपण गर्नुभन्दा पहिला करिव १ हात गहिरो र १ हात चौडा साईजका खाडलहरू खन्ने ।
• शुरुको १ वित्ता गहिराइसम्मको माटो खाडलको एकातर्फ र बाँकी माटो अर्कोतर्फ राख्ने ।
• माथिल्लो सतहको मलिलो माटो खाडलको पिथमा र पिँधको कम मलिलो माटो त्यसमाथि राखी खाडल पुर्ने ।
• वृक्षारोपणका लागि नर्सरीका उपयुक्त साइजका राम्रा, स्वस्थ र चोटपटक नलागेका हरिया विरुवा छान्ने ।
• विरुवालाई ढुवानी गर्नुभन्दा २-३ दिन अघि राम्रोसंग र १ दिन अघि साँझमा पनि अलिअलि पानी दिने ।
• थैलीका विरुवा उठाउँदा र कार्दा पात तथा डाँठमा नत्समाती थैलीलाई नै राम्ररी समातेर उठाउने ।
• विरुवालाई किस्ती (ट्रे) मा ठाडो पारी हलुकासँग राखेर ढुवानी गर्ने।
• त्तवारीसाधनमा डुवानी गर्ने नएमा विरुवामा क्षति नहुने गरी सवारी साधनको गति सीमित गर्ने ।
• विरुवालाई वृक्षारोपण क्षेत्रमा पुऱ्याए पछि सकेसम्म चाँडो रोप्ने, तर केही दिन पछि रोप्नुपर्ने भएमा सीधा पारी छहारीमा राखी विहान वेलुका सिंचाइको व्यवस्था गरी सुरक्षित राख्ने ।
• विरुवाहरू एक-एक गरी हरेक माटो भरिएका खाडलको छेउमा सीधा गरी राख्ने । माटोले भरिएका खाडलमा कुटोले थैलीको आकार वरावरको मात्र सानो खाडल बनाउने ।
• ब्लेड वा चक्कुले एक छेउबाट विस्तारै थैलीको प्लाष्टिक काटी हटाउने ।
• जराहरू नखल्वल्याई विरुवालाई खाडलमा रोपी विरुवाको डाँठको फेद जमिनको सतह बराबर हुने गरी चारैतिरबाट माटोले पुरी हातले बिस्तारै थिच्ने र खाडलमा पानी नजम्ने बनाउने ।
नोटः विरुवाहरू नर्सरीवाट ढुवानी गर्दा देखि रोपण गर्दासम्म विरूवाको जरा र थैलीको माटो छुट्टिनु हुन्न । त्यसका लागि प्रत्येक चरणमा विशेष सावधानी अपनाउनु पर्छ।
• विरुवालाई रोप्नासाथ र आवश्यकतानुसार नियमितरूपमा सिंचाइको व्यवस्था गर्ने ।
• नियमित गोडमेल गर्नुका साथै चरीधरत र डढेलो लगायतबाट पूर्णरूपमा जोगाउने ।
Source : डिभिजन वन कार्यालय, काठमाडौ हात्तीसार
